హైదరాబాద్ కేంద్రీయ విశ్వవిద్యాలయం(HCU) ...రెండు సంవత్సరాలు ...ఒక కొత్త జీవితం ...!!!
ఈ కొత్త జీవితాన్ని ప్రసాదించిన ఈ కేంద్రీయ విశ్వవిద్యాలయం అంటే ఇప్పుడు నా మనసులో ఏ విధమైన అభిప్రాయం ఉందో చెప్పడం కష్టం...!నాకు, నేనేంటో తెలిసేలా నాకు స్నేహితులని ఇచ్చి, ఆ స్నేహితుల ద్వార ఒక కొత్త ప్రపంచాన్ని నా ముందు ఉంచింది ఈ హైదరాబాద్ కేంద్రీయ విశ్వవిద్యాలయం! ఈ కేంద్రీయ విశ్వవిద్యాలయం అంటే నా మనసులో ఏదో విలువ తెలియని, వెలకట్టలేని ఒక గౌరవం ఉంది. కాని ఇప్పుడు అదే విశ్వవిద్యాలయంపై కోపం కుడా ఉంది ...!!
ఎందుకంటే, నాకు కొత్త ప్రపంచాన్ని, నన్ను నన్నుగా చూసే స్నేహితులను అందించిన ఈ విద్యాలయమే...ఇప్పుడు ఈ రెండింటిని నా నుండి వేరు చేస్తోంది.
ఏది ఎలా ఉన్నా... ఈ విశ్వవిద్యాలయంలో నా రెండు సంవత్సరాల పి.జి. ( post graduation) నా జీవితంలో ఒక అద్భుతం, ఒక ఆశ్చర్యం, ఒక సంచలనం, ఒక ఆనందం, ఒక బాధ మరియు ఒక కోపం! నన్ను నన్నుగానే ఉంచుతూ, నా మనసులోని భావాలను పంచుకుంటూ, వారి భావోద్వేగాలను నాకూ పంచుతూ...నా జీవితంలో స్నేహం అనే పదానికే ఒక కొత్త అర్థాన్ని ఇచ్చారు నా స్నేహితులు !!!ఇప్పుడు నా జీవితాన్ని నేను రెండు భాగాలుగా విభజించుకోగలను. ఒకటి ఈ హైదరాబాద్ కేంద్రీయ విశ్వవిద్యాలయంలో విద్యాభ్యాసానికి ముందు, రెండు ఈ విశ్వవిద్యాలయంలో విద్యాభ్యాసం తరువాత...!
నా జీవితానికి కొత్త దారిని చూపి, నన్ను అదే దారిలో నా జీవితాంతం నడిచే విధంగా నాలో ఆత్మవిశ్వాసాన్ని నింపిన ఈ హైదరాబాద్ కేంద్రీయ విశ్వ విద్యాలయానికి, అలాగే నా స్నేహితులకి నేను ఎంతగానో రుణపడి ఉన్నాను........!!!
